Jūrdžu Andryvs   

Zīmas snīgs

Lēni, lēni, vīgli, vīgli
Snīgs nu gaisa laižās žigli.
   Ap muojom, kūkim plēšās
   Un kai zvaigznes nūsalaiž.
Boltu, meikstu vylnuoneiti
Zīmas muote kluoj zemeiti.
   Lai tuos solna natraucātu,
   Sylti viņa puorgulātu.
Pajem, snīdzeņ, klēpī duorgā
Tūs gryudeņus zīmā borgā.
   Apsedz teirumu apsātu,
   Lai vasali puorgulātu!

© Andryvs Jūrdžys, ailis        © 2000-2024, Aņss Ataols Bierzeņš, latgola.lv        Myusu E-posta adress: latgola@latgola.lv

Ituos puslopys pādejuo papruoveišona: 2002 gods maja (lopu) mieneša 27 d.